Eldhress í fyrstu búðum á Meru fjalli


 

Hópurinn samanstendur af 3 konum og 6 körlum. Auk Vilborgar eru það Ása Björk Sigurðardóttir og Solveig Thoroddsen, Fjallasteini – Þorsteinn Jakobsson, Halldór Óttarsson, Gunnar Bjarnason, Sveinn M. Sveinsson, Ásmundur Indriðason og Ingvar Þórisson

Gærdagurinn (24 feb.) var frábær og hópurinn náði að hristast vel saman.  Í dag  hófst svo gangan í 1800 metrum og frá og með fyrsta metranum var þetta spennandi – sérstaklega fyrir dýra áhugafólkið

Við byrjuðum á því að sjá apa og svo fljótlega sebrahesta og buffalo en það var ekki það eina, við sáum líka gíraffa og fleiri apategundir. Aðstaðan hér í Maria Kamba búðum er mjög góð og frábær frammistaða hjá kokkunum.

Öllum líður vel en enn er smá þotuþreyta að plaga okkur. Hópurinn er frábær og mikið af hæfileikaríku fólki og kvikmyndatökumaðurinn okkar hann Ingvar er ekki allur þar sem hann er séður. Eftir göngu dagsins bauð hann upp á teygjur og jóga og það hjálpaði okkur mikið, enda flest okkar pínu stirð.

merú55